Willy Naves ye un músicu indie folk asturianu, que sacó discos yá nel añu 2009 y nel 2012. Depués d’una carrera grande tocando con delles bandes de la escena independiente per toa España, esti 2019 volvió en solitario con un tercer trabayu que se llama como él, editáu por Music Bus. El discu –que lu presentó en Madrid y en Barcelona pel branu– trai diez pieces de ritmu tranquilín que duren en total 40 minutos. Son cantares que falen de persones y de los retos d’elles nun ambiente onde la naturaleza ye tamién protagonista. La producción d’esti trabayu foi cosa de Charlie Bautista, que-y dio un aire de folk internacional al altor de los grandes d’esti xéneru.
El cantar «Superhéroes», fixo de corte promocional del discu y ta presentáu tamién nun videu con un formatu espectacular: un planu secuencia de cuatro minutos. El videuclip ye una producción de Tsunami Film House.
Leave a Reply