Mountains Campers ye una empresa d’Avilés que se dedica a pone-y a una furgoneta tolo que tu necesites pa nun tener falta de dir a comer de bar o a dormir d’hotel. El retu ye aprovechar bien l’espaciu. Tolos rinconinos cuenten. Facelo guapo y facelo bien, a la midida de cada furgo y de cada veceru. Ellos faen muebles y techos que se llevanten, instalen calefacciones, plaques solares, neveres, toldos y cualquier cosa. Tamién tan pendientes de les homologaciones.
Na to furgoneta nun tien por qué faltar ducha, caxa fuerte, cama que s’alza pa dexar llibre l’espaciu pel día y too bien mirao hasta l’últimu detalle. Como cada vez hai más maneres de vivir y de viaxar, y como cada vez hai más turistéu en tolos sitios, facer casa na furgoneta ye una manera de ser más llibre y de parar auquiera a descansar o a vivir un cachín de vida. Y, en cansando, carretera y manta.
Leave a Reply