«Tar bien», lo último del cantautor australianu Dean Lewis

Nel últimu single de Dean Lewis, que se titula Be Alright (editáu por Island Records), el cantautor australianu clava a la perfección l’angustia que trai una rellación d’amor qu’acaba. La canción fala de coses tristes pero tien un puntín d’esperanza, porque l’acabar duel pero ye dalgo que pasa col tiempu –«Nunca ye fácil separase / déxala marchar / va tar bien»–. Lewis diz que la canción ta sacada d’un montón d’esperiencies, de tener pasao per rellaciones diferentes y que, nesos casos, ye bono tar acompañáu de xente bono. El cantar ta compuestu con mui poca instrumentación pa dexar al aire’l nerviu emocional, resolviéndola na llinia de un pop señaldosu.

Dean Lewis ye un compositor nacíu en Sydney en 1987 que echó bien de tiempu lluchando por tener éxitu ensin consiguilo, hasta que se fixo famosu col tema «Waves», que lu llevó a facer xires internacionales. Pasó de ser un creador que nun conocía naide a facer canciones d’éxitu d’un día pa otru. «Waves» llego a tener cientos de millones de reproducciones. Agora presenta «Be Alright», que ye l’avance de lo que va ser el discu siguiente y que ta arrasando n’Australia, Nueva Zelanda, Bélxica, Suiza y en munchos más países. Lewis y la banda d’él van dar conciertos n’Australia y n’Estaos Uníos toa esta temporada y pa primeros d’añu.