Pierre Kleinhouse ye un ilustrador d’Israel que vive y trabaya en Tel Aviv pa clientes del mundu enteru. Tien trabayao pal Muséu del Comunismu de Praga, creando series de trabayos artísticos pa la tienda, inspiraos n’iconos del bloque soviéticu como la perra Laika (que viaxó al espaciu) o l’osu rusu. Cubiertes pa revistes, posters pa compañíes discográfiques y pa conciertos, trabayos d’etiquetáu y promoción de cerveces, ilustraciones pa revistes y llibros de rapacinos son obres habituales nel porfoliu d’esti ilustrador.
Kleinhouse domina’l dibuxu y la compaxinación de los colores, faciendo obres mui llamatives, enllenes de detalles y testures. L’artista –que tien recibío munchos premios– trabaya por cuenta d’él pa veceros o equipos profesionales de cualquier parte del mundu. Amás, tamién tien una tienda n’internet pa verder camisetes con estampaciones de les ilustraciones, cartelos, etc. Na mayor parte de les obres consigue usar munchos elementos que mantienen una identidá clara, formando mensaxes complexos pero frescos y elegantes. Les influencies del arte oriental y del cartelismu del bloque comunista son clares abondo. Tien participao en esposiciones en Dinamarca, Italia y Estaos Uníos.
Leave a Reply