Mostafa El Abasiry tienlo claro: con una fonte xenial, la palabra val más que milenta imaxes. Él, que vive n’Estocolmo (Suecia), ye un diseñador gráficu, un diseñador de tipografíes y un educador que queda embobáu cola combinación de tipografía y xeometría. Ta osesionáu con desendolcar fontes esperimentales que s’adapten a los tiempos d’anguaño con lletres árabes. La inspiración topóla n’elementos pervariaos como, por exemplu, la recreación de les llinies rotundes y coloríes de la obra de Piet Mondrian, coles que fixo la tipografía Tajreed (que quier dicir «abstracto» n’árabe).
Los trabayos d’esti creador son mui llamativos. La fonte que que creó col nome de SVG d’origami intenta imitar, con formes básiques de papel plegao n’estructures xeométriques, les lletres árabes. Esta tipografía haila en dos estilos, con papel de color o con papel cuadriculao y ta pensada p’adaptase a proyectos gráficos variaos. Mostafa El Abasiry ye de los primeros n’aplicar la tecnoloxía OpenType-SVG, que ye quién a dexar ver la fonte en dellos colores, con degradaos y capes p’aplicaciones dixitales, diseñu web, aplicaciones pal móvil o pa publicidá impreso al diseñu de tipos árabe y llevará firmaes más de setenta fontes.
La lletra Bahjah (que se traduz como «alegría») ye una fonte de pantalla árabe que presenta un estilu de lletra alegre y con brenga. La fonte ye adecuada pa la mayoría de les aplicaciones modernes y vien en formatu vectorial.
Mostafa tamién trabaya faciendo identidaes visuales y diseños d’embalaxe.
Leave a Reply