Marco Varoli inspírase no guapa que ye la comida y na facilidá que tien ella pa espresar los detalles y el sabor de les costumes y de la vida d’a diario de les persones, lo que nun dexa de ser más que la cultura d’un sitiu. Pa él, la comida ye l’arte fechu vida. Esti fotógrafu, interesáu en munches coses, vive en Milán y dende ellí trabaya pa cualquier empresa del mundu faciendo bodegones publicitarios. L’estilu d’él ye esencial: sobra too lo que nun pinta nada. Lo que más busca ye captar la testura, la freba, la materia en sí. Depués de pasar pela lente de Varoli, hasta una triste berenxena enseña elegancia.
Nos años 2015 y 2017, los trabayos d’él tuvieron muncha fama a nivel internacional, ente los fotógrafos d’alimentos de más sonadía en tol mundu. Nel 2019 llegó a tar ente los cinco finalistes del FOODPHOTOFESTIVAL.
Finché c’è Trippa ye’l llibru más reciente qu’editó, producíu col cocineru Diego Rossi, la escritora Barbara Giglioli y la ilustrador Gianluca Biscalchin. Ta publicáu por Guido Tommasi Editore. Les semeyes de Marco son una maraviya.
Leave a Reply