L’escritor, críticu musical y periodista Manolo D. Abad presentó va poco nes llibreríes Ahora que ya somos solo silencio, el primer poemariu que publica en castellanu de la mano de la editorial asturiana Suburbia. Abad sorprende con un poemariu maduru, una catarsis personal sobre l’amor, la perda y l’escaezu, onde la música y el rock son parte del vivir y de la sanación. Con esti cambiu de rexistru y de xéneru, l’autor quixo salir como escritor de la «zona cómoda» y plasmar una creación diferente, por completo, a los seis llibros anteriores.
Ahora que ya somos solo silencio ye un conxuntu de poemes onde intenta y consigue sacar una parte positiva, y de claridá, d’una despidida mui dolorosa. Ye un poemariu que posa sobre lo bono d’una relación que yá nun existe, ensin males palabres.
Manolo D. Abad (Uvieu, 1968) ye escritor, periodista, críticu de rock y críticu cinematográficu. Tien collaborao con infinidá de medios especializaos nel terrén musical o en diarios xeneralistes (Ruta 66, Interferencias, Mondosonoro, Asturmusic, Elsúmmum, RTPA, La Nueva España, El Comercio, Les Noticies), en radios (RNE-Radio 4, Radio QK) y en televisión (Oviedo TV). Tien publicaos los llibros de rellatos Vasos sucios en la madrugada (Septem Ediciones, 2008) y Viajes al fondo del precipicio (Turbulencias, 2012) y la novela Elevator (Turbulencias, 2012).
Ahora que ya somos solo silencio
Manolo D. Abad
Suburbia Ediciones, 2019
56 páxines
Leave a Reply