La situación ye la siguiente: muncho de los que nos presenten como arte ye una tomadura de pelo y dan ganes d’echalo a voces o de llorar de pena. Llorar pue llorase de pena, d’emoción, como una reacción alérxica, por tener catarro…
La última del circuitu artísticu ye una instalación de l’artista y activista cubana Tania Bruguera, que creó pa la Tate Modern de Londres una garrapiellu obres/intervenciones mui sutiles, (o non tanto) ente les que se cuenta una cuartucu que fai que la xente llore, non por nada que tea colingao nes parés nin echao en suelu nin colingao del techu, nin proyectao nin emitío pelos altavoces nin interpretao en persona nin na d’eso. El públicu llora por un compuestu químico que ta nel aire.
La Tate entruga na promoción de la obra si ye posible llorar enantes de tener una emoción. Nun hai más palabres, señoríes… yá dimos en roxo. Teníen que xubir el preciu la entrada. L’artista llámalo empatía forciada. Si nun t’emociones tu col arte, emociónote yo cola química. De tanto comer química tenía qu’acabar pasando daqué asina.
(En proyectu lo más seguro que tienen preparao un cuartín con un compuestu nel aire que, de les ganes de mexar y nun char gota, deben tar escribiendo los cinco folios d’esplicación que lleva toa obra comtemporanea que se precie. Habrá que tar al tantu).
Leave a Reply