Lena d’Agua, una voz de siempre de la música portuguesa, vuelve con una banda de xente mui nuevo

Lena d’Agua revolucionó la música de Portugal nos años ochenta siendo la primer cantante d’un grupu de rock progresivu. Tamién collaboró a difundir la música tradicional cola Brigada Victor Jara y cantó música pa rapacinos. Tien una voz y una vida mui particulares. Depués de tar años apartada (anque ella diz que nunca marchó de los escenarios) acaba de volver con un discu enteru –Desalmadamente– compuestu por Pedro da Silva Martins, ún de los autores de más valir y reconocimientu del país vecín.

Esti trabayu, dedicáu al pop, tien pieces tan felices y pegadices como «Hipocampo» o «Grande Festa» porque Lena ye una muyer feliz que, con sesenta años fechos, acaba d’editar el primer discu con cantares orixinales fechos pa ella depués de trenta años, un trabayu llenu d’allegría y modernidá, dedicáu a reivindicar la vida ensin sufrimientu, aceptando lo que vien y lo que una ye, sin más nada. La banda que toca con ella, They’re Heading West, son muncho más nuevos nel panorama musical (tienen editáu un discu) y xuntos echaron dos años pa facer les igues pa que’l discu quedara tan bien producíu como ta.