Na historia la fotografía española, el nome y el trabayu de Rafael Navarro representa ún de los pegoyos ensin discusión, un camín que nos lleva del clasicismu a lo contemporáneo. Pela obra d’él y pela so manera de mirar, pelos tiempos d’él, caminen los artistes más grandes de la fotografía universal, dende Eikoe Hosoe hasta Edward Weston, dende Harry Callahan hasta Ralph Gibson. Y eso ye porque Navarro, que ye un mui de viaxar, ye tamién, a la vez, testigu y protagonista del viaxe que la fotografía como disciplina lleva fecho namás nunes décades, dende la nada hasta’l too.
La esposición Estructures, que pue vese nel Centru Niemeyer d’Avilés, nun ye una muestra antolóxica, porque nun tán presentes toles series que componen el trabayu d’él, pero sí ye quién a axuntar dellos de los trabayos de más valir dientro de les dos rames que más asemeyó: el cuerpu y l’abstracción. Nel casu del cuerpu, párase en cachinos bien llíricos hasta convertilos nun paisaxe en sí, nun mundu enteru; n’abstracción enséñanos dende’l movimientu, los discursos de la solombra, la repetición o’l fragmentu hasta la esencialidá del color. En resumíes cuentes, más de 50 años de la fotografía meyor del sieglu XX y el XXI escoyíos d’ochos de les series más importantes de la obra de Navarro, feches ente 1975 y el 2011.
La comisaria de la esposición, que cuenta cola collaboración de la Universidá d’Uviéu, ye Rosa Olivares.
Estructures
Rafael Navarro
Del 10 d’ochobre 2019 al 12 xineru del 2020
Leave a Reply