Staudinger+Franke apaez polo xeneral como ún de los 200 meyores estudios fotográficos de publicidá del Archivu Lüerzer del mundu enteru, dalgo a lo que la montonera de premios que llevó’l trabayu del so director, Andreas Franke, tien ayudao enforma.
L’estudiu Staudinger+Franke ta asitiáu en Viena y nos sos trabayos combínense la fotografía, el retoque dixital y les imáxenes xeneraes por ordenador, colo que consiguen facer realidá cualquier ideal visual de vanguardia. De los primeros pasos, cola preparación de la producción de les semeyes, hasta l’arte final de les fotos, too va supervisao polos venti años d’esperiencia profesional d’esti fotógrafu. Franke tien trabayao pa marques conocíes a nivel mundial como Nike, Visa, Pepsi, Amazon o pa organizaciones como Greenpeace.
Cuando nun ta trabayando, Andreas ye un submarinista tremendu y ta faciendo una serie de semeyes baxo’l mar na que lleva trabayando cinco años. En tierra, y dientro de la faceta profesional d’él, la docena y media de retratos que se titulen Haze (Nublina) ye una de les últimes que firmó esti fotógrafu y nella puede vese bien la calidá d’esti artista, sobre manera na captación de la lluz y les testures.
Leave a Reply