ERGO Hestia ye una de les compañíes aseguradores más grandes de Polonia. Edita unos informes que lleven el nome de la empresa. Dende hai cinco años, los informes ERGO Hestia créenlos cooperando con artistes nuevos que se presenten y ganen un premiu qu’entama la compañía con esti fin. Los ganadores suelen dexar al públicu sorprendíu pola idea poco común que desendolquen y que quier servir de ganchu pa que se reflexone sobre’l tema principal escoyíu.
La edición d’anguaño (correspondiente al añu 2018) céntrase nel tema del éxitu, sobremanera nel éxitu financieru de les empreses, y ta repletín de diagrames y tables que formen lo que llamen el «llinguaxe de los sentíos». La que llevó’l gallardón, l’artista Joanna Kunert, entrugó a los empleaos cómo notaben ellos l’éxitu y cómo sabe y como güel. En función de les respuestes preparó un menú pa cenar y convidó a los empleaos. Los platos, escaniaos en tres dimensiones, salen nel informe, de manera qu’esti conviértese nun llibru de recetes de cocina, recetes de platos que saben a éxitu.
L’informe, con un formatu de 30×30 cm, 80 páxines y impresu en papel Munken Polar Rough de 150 g, publicóse en dos idiomes (inglés y polacu) y enseñóse en Muséu d’Arte Modernu de Varsovia, con una esposición. La edición dixital en polacu pue vese nel sitiu web http://roczniki.ergohestia.pl/2018/.
Leave a Reply