A un psiquiatra llámenlu a declarar a un xuiciu a favor d’un paciente que cometió una masacre. Él niegase a facelo y, entós, la carrera, la ética y les creencies d’él empiecen a andar en boca tol mundu, y eso fai que tamién empiecen a pasar munches coses que-y amarguen la vida y que tamién van afectar muncho a la persona que más quier. Esti ye l’argumentu de The Penitent –adaptada en castellanu como La culpa–, la obra de David Mamet que ta d’estrena n’Avilés, nel Teatru Palacio Valdés, esti 30 de payares.
De siempre, Mamet tuvo una relación especial con España, uno porque se montaron nesti país la gran mayoría de les obres d’él y otro porque siempre tuvieron unes producciones de primera. Pa esta ocasión, nun va ser menos. Nos temes que trata la obra nun falten los abusos y los xuicios mediáticos, los llevantos y les trabes y les amenaces personales y profesionales que pueden sufrir les persones que tienen una orientación sexual non mayoritaria. Depués de la estrena mundial en Nueva York, el primer sitiu onde se va representar va ser n’Avilés.
La culpa
Testu: David Mamet
Dirección: Juan Carlos Rubio
Versión: Bernabé Rico
Escenografía: Curt Allen Wilmer
Repartu: Pepón Nieto, Magüi Mira, Miguel Hermoso y Ana Fernández.
Leave a Reply