Na música clásica, manden l’alemán y l’italianu. Na música moderna manda l’inglés. Les llingües minoritaries manden poco no musical fuera de la tradición, pero entá aguanten. N’España nun tamos avezaos a escuchar música en llingües que nun sían les diches anantes y les propies más p’allá d’éxitos puntuales. Por eso ye bono mirar un poco pa lo que se ta faciendo, por exemplu, en valencianu. El grupu Smoking souls tira del inglés pal nome, pero canta na llingua de Raimon.
Smoking souls nacieron nel 2010 nun panorama mui malu pa la música y pa la cultura en xeneral y lleven sacaos tres discos repletos de rock alternativu. Los alicantinos piensen que la música ye una ferramienta bona pa la llucha social pero, sobre manera, pa ser quién a pelear tolos díes. Nel añu 2017 fueron la banda que más conciertos dieron en valencianu.
Esti mes de payares tan acabantes de publicar el videu del single que val d’adelantu del discu Translúcid.
Leave a Reply