Una casería de Watendlath ye una obra de la pintora Dora Carrington. Watendlath ye una aldea del norte d’Inglaterra pa enfrente la Isla de Man, pero de la que se mira’l pal cuadru podía parecer una casa d’Aristébanu o de Busindri.
Dora Carrington ye una pintora que cuasi nun foi conocida como tal mientres vivió y que nun enseñó la obra n’esposiciones nin la firmó. Llevó una vida a so aire y acabó matándose al perder al gran amor de la vida d’ella, l’escritor Lytton Strachey. Namás depúes del añu 1970 empezó a falase d’ella y a da-y valir al so arte.
Una casería de Watendlath foi propiedá del hermanu d’ella, Noel, que la donó a la Tate Modern. Pa él, esta obra yera una de les más representatives de Dora y pensaba que taba fecha nun momentu d’esplendor como artista. Ella tamién fixo carteles, cerámica y grabaos. No que más destacó foi como pintora de paisaxes, nos que, con una técnica que ta cerca de surrealismu, mecía lo que vía con deseos y fantasíes en planos diferentes. Tamién foi bona retratista.
La vida de Dora y Lytton lleváronla al cine na película biográfica Carrington, del director y guionista Christopher Hampton, en 1995.
Leave a Reply