Betterwithmusic ye un proyectu del xixonés Javier Suárez, más conocíu nel mundu musical como Jahzzar. Betterwithmusic ufre música orixinal pensao pa usalo en proyectos audiovisuales: películes, curtiometraxes, animaciones, documentales, publicidá, imaxe corporativo, multimedia, televisión, radio… y, por descontao, pa descarga y usu personal.
Tola música que ta publicao nesta biblioteca ta compuesto, reproducío y mezclao por Jahzzar y ta disponible pa descargalo y usalo de baldre, según les normes de la llicencia Creative Commons Atributtion-ShareAlike. Betterwithmusic tamién fai, por encargu, música personalizao, creao específicamente pa necesidaes concretes, esclusivo y llibre de derechos d’autor.
Los estilos pelos que se mueve Jahzzar van dende’l folk-rock acústico hasta dub, dende música tradicional celta hasta funk, triphop o IDM, pero tamién pop clásico, synthpop o dreampop. Pianos y guitarres. Música instrumental de tolos estilos diseñao y interpretao pa proyectos y eventos audiovisuales de toles clases. Esta plataforma tien como lema que lo qu’importa nun ye l’idioma, ye comunicase. Y la música ye fundamental a la hora d’ayudar a xenerar una emoción nuna narración audiovisual.
Leave a Reply