El Centru d’Escultura del Muséu Antón de Candás ta d’estrena de la esposición De la escultura a la gráfica. Escultura contemporánea n’Asturies llevada a la gráfica. Una muestra que ta fecha con venti escultures d’artistes asturianos o de fuera, con muchu tratu cola nuestra comunidá, y por venti grabaos fechos a partir de los dibuxos qu’apurrieron caún de los escultores que teníen el fin, y la dificultá, de plasmar en dos dimensiones el llinguaxe plásticu de les obres tridimensionales d’ellos.
Pol conteníu, esta muestra supón una mirada a l’actualidá de la creación escultórico asturiano, que se ta moviendo ente l’usu de materiales y técniques que podíen considerase tradicionales yá –anque tengan voces y nicios diferentes d’inspiración– hasta l’usu d’impresores 3D como fonte pa definir l’espaciu.
De la escultura a la gráfica. Escultura contemporánea n’Asturies llevada a la gráfica.
Centru d’Escultura de Candás. Muséu Antón.
Del 29 de payares del 2019 al 1 de marzu del 2020.
Leave a Reply