Los vecinos y visitantes de Geldern, una ciudá alemana na raya colos Países Baxos, pue dicise que caminen per un volcán de llava, y eso que nun tán en zona d’ellos. En Geldern faise pel branu, nel mes d’agostu, un festival d’arte urbanu y, nuna de les cais, l’artista Edgar Mueller fixo una obra grande en tres dimensiones que representa un volcan abiertu. Tien que ser raro caminar per esa cai o conducir per ella. Les trampes de les perspectives y de la pintura mecen el mundu real y l’imaxinariu.
Daqué apaecío pasa nel parque Gorky de Moscú, u los padres y madres crien a los neños andando en triciclo per un abismu. Nel Canadá, na ciudá de Moose Jaw, la cai río, ta convertida nun ríu pintáu de 280 metros cuadraos que se remata nuna cascada. Esta última ye una de les pintures d’arte urbanu más grandes qu’existen. Toes estes obres nun tienen nada que ver col grafitti perroneru qu’estropia les fachaes y muries con lletres malcurioses de les villes y ciudaes de mediu planeta. Éstes son obres del artista urbanu Edgar Mueller.
Edgar Mueller (Mülheim, Alemaña, 1968) tien el premiu Maestro Madonnari, que se da nel certame más importante del mundu de pintura urbano, entamáu na ciudá italiana de Grazie. Lleva dende los 25 años viviendo de les creaciones que va faciendo pelos cinco continentes. Muller ye autodidacta y escueye pa dexar la so obra árees públiques grandes (el suelu de cais, parques, etc.), zones onde los espectadores que miren y transiten son, a la vez, públicu y actores de la obra base, porque la so presencia modifica los xuegos de perspectiva y el conteníu de la obra.
Leave a Reply