El discu nuevu del cantautor asturianu Alfredo González va poder comprase pa mediaos de febreru del 2019 pero yá ta disponible un audiovisual con un adelantu del cantar que da nome al discu. Esti trabayu discográficu del músicu de Turón lleva producción de Pachi García y adelantólu la revista efe eme.
Depués de cinco discos, nos qu’alternó cantares en castellanu y n’asturianu, y depués d’una parada de cuatro años –cuando aprovechó pa presentar un poemariu– l’escritor de versos y canciones regálanos el primer EP de lo que ta pa nacer.
Nes redes sociales Alfredo comentó esti 23 de payares: «Punxe tolo que soi nesta canción. A ver si se fai tan vuestra como mía» y pidió a los siguidores que la compartieren y que la comentaren: «Llevaila de la mano unos minutinos. ¡Tamos de vuelta amigues y amigos! Toi feliz», dixo.
El videu fímalu Karlos Abal. La canción «Afluentes» ta en castellanu.
Leave a Reply